Estamos para ti 24h 365 días al año desde 1974

Trabajamos con todas las compañías de decesos

Search
Últimos Post

Un tanatorio da Coruña, entre os selos Responsabilízache

Por Redacción

Pompas Fúnebres da Coruña recibe o selo Empresa Responsabilízache que outorga a Xunta de Galicia.

Este recoñecemento destaca a calidade e compromiso coa sustentabilidade e responsabilidade social das empresas galardoadas.

No marco do programa “Responsabilízache”, impulsado pola Consellería de Promoción do Emprego e Igualdade da Xunta, a empresa Pompas Fúnebres da Coruña foi distinguida co selo Empresa Responsabilízache. Este recoñecemento outórgase a empresas comprometidas coa implementación de prácticas sostibles, sociais e de gobernanza.

A distinción non só resalta a calidade e compromiso dos servizos funerarios de Pompas Fúnebres da Coruña, senón que pon de relevo a destacada traxectoria en sustentabilidade da súa directora, Isabel Tamarit. Baixo o seu liderado, a empresa implementou medidas ambientais, sociais e de gobernanza, demostrando un firme compromiso coa cultura da sustentabilidade. O Código de Conduta e as novas políticas de Sustentabilidade aprobadas pola empresa están publicadas na páxina web da empresa (https://pompascoruna.com/compromiso-con-a-sustentabilidade/)

Desde Pompas, valoran a sustentabilidade como base fundamental do seu modelo de negocio e é un eixo estratéxico no desenvolvemento da súa actividade empresarial. Por iso, e #de acordo con os seus recursos dispoñibles, seguen avanzando para integrala en todos os niveis de xestión e goberno da empresa. O programa Responsabilizate (no que participou xunto con 200 empresas galegas) foi de gran axuda para ordenar e poñer foco neste labor.

A empresa aprobou un Código de Conduta no que -entre outras cuestións- pon de manifesto o seu compromiso coa plena transparencia #ante clientes, provedores e a Administración Pública, así como unha política estrita anti-corrupción e suborno. Ademais, a empresa aprobou novas políticas e procedementos de Sustentabilidade e de Medio, e ofrecen novos produtos (ecofuneral, salas de baixo impacto ambiental, cadaleitos ecolóxicos…) co fin de maximizar o seu impacto positivo na sociedade, e minimizar o impacto negativo que poidan xerar no medioambiente. Pompas Fúnebres considera que se sitúa así na vangarda do sector adaptando o mesmo ás necesidades da cidadanía e contribuíndo á súa vez a priorizar a sustentabilidade.

Con este Selo Responsabilízache, Pompas Fúnebres da Coruña consolida a súa posición como líder non só en servizos funerarios senón tamén en prácticas empresariais socialmente responsables.

Deja una respuesta

Tu dirección de correo electrónico no será publicada. Los campos obligatorios están marcados con *